Home
બિઝનેસ
Multibagger Stock: ગજબ વળતર...! શેરની કિંમત 30 પૈસા હતી, ત્રણ વર્ષમાં 1 લાખના થયા 64 લાખ રુપિયા...

Multibagger Stock: ગજબ વળતર...! શેરની કિંમત 30 પૈસા હતી, ત્રણ વર્ષમાં 1 લાખના થયા 64 લાખ રુપિયા...

12:49 PM September 27, 2023 admin

Share Marketમાં રોકાણ કરવું જોખમી માનવામાં આવે છે, પરંતુ એવા ઘણા શેરો છે જે તેમના રોકાણકારોનું નસીબ બદલી નાખે છે. બીજા શબ્દોમાં કહીએ તો, આ શેરોએ નાના રોકાણકારોને પણ સમૃદ્ધ બનાવ્યા છે. એક તરફ, ઘણા શેરોએ લાંબા ગાળામાં મજબૂત વળતર આપ્યું, તો બીજી તરફ, કેટલાક શેરોએ માત્ર થોડા વર્ષોમાં રોકાણકારોના રોકાણમાં અનેકગણો વધારો કર્યો. આવો જ એક શેર અશ્નિષા ઇન્ડસ્ટ્રીઝ(Ashnisha Industries Ltd)નો છે, જે ત્રણ વર્ષ પહેલાં માત્ર 30 પૈસાની કિંમતનો હતો અને હવે તે રૂ.20ની આસપાસ ટ્રેડ કરી રહ્યો છે.

► કંપની કયા સેક્ટરમાં કામ કરે છે?

(Ashnisha Industries Ltd)અશ્નિષા ઇન્ડસ્ટ્રીઝએ સ્ટીલ કંપની છે જે તેના રોકાણકારોને મલ્ટિબેગર વળતર આપે છે. આ કંપની અગાઉ અશ્નિશા એલોય લિમિટેડ તરીકે જાણીતી હતી. તેણે ટૂંકા સમયમાં તેના રોકાણકારોને સમૃદ્ધ બનાવ્યા છે. ત્રણ વર્ષ પહેલા એટલે કે 30 સપ્ટેમ્બર 2020ના રોજ કંપનીના એક શેરની કિંમત માત્ર 30 પૈસા હતી અને 27 સપ્ટેમ્બરે સવારે 9.15 વાગ્યે શેરબજારમાં ટ્રેડિંગ શરૂ થતાંની સાથે જ તે 19.21 રૂપિયા પર ખુલ્યો હતો. એટલે કે, આ મુજબ, આશનીશા ઇન્ડસ્ટ્રીઝના શેરે આ ત્રણ વર્ષમાં જ તેના રોકાણકારોને લગભગ 6,400 ટકા જેટલું મજબૂત વળતર આપ્યું છે.

► ત્રણ વર્ષમાં 1 લાખના થયા 64 લાખ રૂપિયા

Ashnisha Industries Ltdનું Market Capitalization રૂ.183 કરોડ છે. જો આ ત્રણ વર્ષમાં આ કંપનીના રોકાણકારોએ કરેલા નફા પર નજર કરીએ તો 30 સપ્ટેમ્બર 2020ના રોજ જો કોઈ રોકાણકારે 30 પૈસાના ભાવે કંપનીના શેર ખરીદીને રૂ.1 લાખનું રોકાણ કર્યું હોત તો તે અત્યાર સુધીમાં તેના દ્વારા રોકાણ કરાયેલી રકમ વધીને 64 લાખ રૂપિયા થઈ ગઈ હશે. જ્યારે કોઈ વ્યક્તિએ 2 લાખ રૂપિયાના રોકાણ સાથે શેર ખરીદ્યા હોત તો તે કરોડપતિ બની ગયો હોત..!

Ashnisha Industries Ltd Share price Market Capitalization and target

કંપની દ્વારા કરવામાં આવી રહેલી નવી ડીલની અસર તેના શેર પર પણ જોવા મળી રહી છે અને તેનો સીધો ફાયદો રોકાણકારોને મળી રહ્યો છે . જો આપણે કંપનીના શેરના પ્રદર્શન પર નજર કરીએ તો, જ્યારે આ શેરે ત્રણ વર્ષમાં 6,400 ટકાનું જબરદસ્ત વળતર આપ્યું છે, તો છેલ્લા પાંચ વર્ષમાં પણ કંપનીના રોકાણકારોએ ઘણો નફો મેળવ્યો છે અને 1,563.64 ટકાનું વળતર મેળવ્યું છે. છેલ્લા એક વર્ષની વાત કરીએ તો અશ્નીશા ઇન્ડસ્ટ્રીઝના શેરે 614.84 ટકા વળતર આપ્યું છે અને છેલ્લા છ મહિનામાં શેરના ભાવમાં 25 ટકાનો વધારો થયો છે.

► 30 પૈસાથી તે રૂ.20ને પાર કેવી રીતે પહોંચ્યો?

હવે જો આપણે છેલ્લા ત્રણ વર્ષમાં કંપનીના શેરની મૂવમેન્ટ પર નજર કરીએ તો 30 સપ્ટેમ્બર 2020ના રોજ તે 30 પૈસા પર હતો, પરંતુ એક વર્ષ પછી તે ધીમી ગતિએ હતો. 24 સપ્ટેમ્બર 2021ના રોજ માત્ર 71 પૈસા. સ્તરે પહોંચી ગયો હતો. આગામી એક વર્ષમાં એટલે કે 30 સપ્ટેમ્બર 2022ના રોજ તેની કિંમત 3.09 રૂપિયાના સ્તરે પહોંચી ગઈ હતી. આ પછી, અશ્નિષા ઇન્ડસ્ટ્રીઝનો શેર રોકેટની ઝડપે દોડ્યો અને જૂન 2023માં તે 25.72 રૂપિયાની તેની 52 સપ્તાહની ટોચે પહોંચ્યો. ત્યારથી તે 20 રૂપિયાની રેન્જમાં ટ્રેડ થઈ રહ્યો છે.

(નોંધ- શેરબજારમાં કોઈપણ રોકાણ કરતા પહેલા, તમારા ફાઈનાન્શિયલ નિષ્ણાંતોની સલાહ ચોક્કસ લો.)